११ मंसिर २०७७, बिहीबार

बुङ्गल नगरपालिकाभित्रका विद्यालयमा सोमबारदेखि नियमित पठनपाठन हुने

  प्रकाशित मिति
१५ कार्तिक २०७७, शनिबार १६:२७


सुरेश धामी, बझाङ

कोरोना महामारीका कारण गएको चैतदेखि बन्द रहेका बुङ्गल नगरपालिकाभित्रका विद्यालयहरुमा सोमबारदेखि पठनपाठन सञ्चालन गरिने भएको छ ।

कोरोना महामारी बढ्दै गएपछि सरकारले घोषणा गरेको बन्दाबन्दीका कारण चैत्रदेखि देशभरका विद्यालयहरु बन्द रहेका छन् । बुङ्गल नगरपालिका शिक्षा शाखा र नगरपालिकाभित्रका विद्यालयका प्रधानाध्यापकहरुको शुक्रबार बसेको बैठकले स्वास्थ्य सुरक्षाका मापदण्ड अपनाई शनिबारबाहेक अन्य सार्वजनिक बिदाको दिन पनि पढाइ सञ्चालन गर्ने निर्यण गरेको छ ।

सरकारको पछिल्लो निर्णयसँगै अधिकांश विद्यालयहरुले वैकल्पिक माध्यममा पढाई सञ्चालन गरेका भए पनि बुङ्गल नगरपालिमा भने इन्टरनेट र सञ्चारमाध्यमको राम्रो पहुँच नभएका कारण वैकल्पिक माध्यमबाट पढाई सञ्चालन गर्न नसकिएको बुङ्गल नगरपालिका शिक्षा शाखा संयोजक धनकृष्ण रेग्मीले बताए । शैक्षिकसत्र लम्बिन नदिन र शिक्षण सिकाइलाई सहज बनाउनका लागि स्वास्थ्य सुरक्षा सतर्कताका मापदण्ड अपनाइ सामुदायिक तथा निजी विद्यालय पूर्णरुपमा सञ्चालन गरिन लागिएको उनको भनाइ छ ।

कोरोना महामारीकै बेला विद्यालय सञ्चालन गरिन लागेको भए पनि लामो समयपछि विद्यालयमा पढ्न पाइने भन्दै विद्यार्थी हरु खुशी भएका छन् । कोरोना नियन्त्रण भएपछि पढौँला भनेर कुरेर बसेपछि आफ्नो पढाइ र भविष्य समेत बिग्रने भन्दै अब आफूहरुले स्वास्थ्य सुरक्षा मापदण्ड अपनाइ कोरोनासँगै बाँच्न सिक्नुपर्ने कक्षा १० मा अध्यनरत विद्यार्थी धनसरा बोहराले बताइन् ।



प्रतिक्रिया दिनुहोस !
सम्बन्धित खबरहरु

पवित्र धार्मिक तीर्थस्थल देवघाटमा पर्वका अवसरमा भक्तजन तथा श्रद्धालुलाई नआउन आग्रह गरिएको छ । देवघाट क्षेत्र विकास समितिले कोभिड-१९ को

६ वर्षीया बालिकाको अपहरणपछि हत्या र सोविरुद्धको प्रदर्शनमा प्रहरीको गोली लागी घाइते भएका एकको मृत्यु घटनाले थप आन्दोलित भएको बर्दिबास

पूर्णप्रसाद मिश्र, काठमाडौं कार्तिक शुक्ल एकादशीका दिनमा भगवान् विष्णुको प्रतीकका रुपमा तुलसीको दामोदरसँग विवाह र विशेष पूजा गरी मनाइने हरि

■ अनन्तश्री राजगुरु जगतगुरु वीरेन्द्र परम्हंश ज्योतिषाचार्य आजको पञ्चाङ्ग श्रीशाके १९४२ नेपाल सं. ११४१ हेमन्त ऋतु प्रमादीनामक सम्वत्सर वि.सं. २०७७