सत्तारुढ नेपाल कम्युनिष्ट पार्टी (नेकपा)को यही कात्तिक १५ देखि १७ गतेका लागि तोकिएको केन्द्रीय कमिटीको तेस्रो बैठक स्थगित गरिएको छ । कोभिड-१९ महामारीको बढ्दो प्रकोपका कारणबैठक स्थगन भएको बताइएको छ ।

नेकपा केन्द्रीय कार्यालय सचिवद्वय ईश्वरी रिजाल र श्रीराम ढकालले बुधबार (१२ कात्तिक) विज्ञप्ति जारी गरी स्थगित बैठक आगामी मङ्सिर १५ देखि १७ गते आयोजना गरिने जानकारी दिएका छन् ।

आगामी चैतको अन्तिम साताका लागि नेकपाको एकतापछिको राष्ट्रिय महाधिवेशन तोकिएको छ भने सोका लागि केन्द्रीय कमिटीले तयारी गर्ने बताइएको छ ।