११ मंसिर २०७७, बिहीबार

मेयरसहित १८ जना संक्रमित भएपछि कात्तिक १५ सम्म नगरपालिका बन्द

  प्रकाशित मिति
७ कार्तिक २०७७, शुक्रबार ०२:५५


कपिलवस्तुका मेयरलाई कोरोना संक्रमण


कपिलवस्तु नगरपालिकाका मेयर किरण सिंहलाई कोरोना संक्रमण पुष्टि भएको छ । कपिलवस्तु नगरपालिकाको स्वास्थ्य शाखाले जनाएअनुसार एक साताअघि मेयर सिंहसहित नगरपालिकाका १८ जना कर्मचारीहरुको स्वाब संकलन गरी प्रादेशिक अस्पताल बुटवल पठाइएको थियो । जसमा सबै जनाको रिपोर्ट पोजेटिभ देखिएको स्वास्थ्य संयोजक उमेश गुप्ताले जानकारी दिए ।

मेयर सिंहकी श्रीमती र छोरा कोरोनासंक्रमित भएपछि उनको पनि स्वाब संकलन गरिएको थियो । मेयर सिंहले आफू जनतासँग प्रत्यक्ष सम्पर्कमा आई काम गर्ने क्रममा कोरोना संक्रमित भएको बताए । आफ्नो स्वास्थ्य अवस्था सामान्य रहेको उनको भनाइ छ ।

नगरपालिकाका लेखाअधिकृत, सहायक लेखाअधिकृत, स्वास्थ्य संयोजक, कपिलवस्तु नगरपालिका वडा नम्बर ६ का वडासचिव समेत कोरोना संक्रमित बनेका छन् ।

यस्तै कपिलवस्तु नगरपालिका वडा नम्बर ९ स्थित निग्लीहवा स्वास्थ्य चौकीमा कार्यरत ७ जना नै कोरोना संक्रमित भएका छन् । कपिलवस्तु नगरपालिकाका मेयरसहित १८ जना नै कोरोना संक्रमित भएपछि नगरपालिका बुधबार दिउँसोदेखि कार्तिक १५ गतेसम्मका लागि बन्द गरिएको छ।

यस्तै निग्लिहवा स्वास्थ्यचौकी समेत बन्द गरिएका मेयर सिंहले बताए । जिल्ला स्वास्थ्य कार्यालयका वरिष्ठ जन स्वास्थ्य अधिकृत योगेन्द्र भगतअनुसार बुधबार कपिलवस्तुमा ३६ जना कोरोना संक्रमित थपिएका छन् । यससंगै जिल्लामा १५ सय ३६ जना कोरोना संक्रमित भएका छन् । जसमध्ये अहिले डेढ सय बढी सकृय संक्रमित छन् भने १३ जनाको मृत्यु भएको छ।



प्रतिक्रिया दिनुहोस !
सम्बन्धित खबरहरु

पवित्र धार्मिक तीर्थस्थल देवघाटमा पर्वका अवसरमा भक्तजन तथा श्रद्धालुलाई नआउन आग्रह गरिएको छ । देवघाट क्षेत्र विकास समितिले कोभिड-१९ को

६ वर्षीया बालिकाको अपहरणपछि हत्या र सोविरुद्धको प्रदर्शनमा प्रहरीको गोली लागी घाइते भएका एकको मृत्यु घटनाले थप आन्दोलित भएको बर्दिबास

पूर्णप्रसाद मिश्र, काठमाडौं कार्तिक शुक्ल एकादशीका दिनमा भगवान् विष्णुको प्रतीकका रुपमा तुलसीको दामोदरसँग विवाह र विशेष पूजा गरी मनाइने हरि

■ अनन्तश्री राजगुरु जगतगुरु वीरेन्द्र परम्हंश ज्योतिषाचार्य आजको पञ्चाङ्ग श्रीशाके १९४२ नेपाल सं. ११४१ हेमन्त ऋतु प्रमादीनामक सम्वत्सर वि.सं. २०७७