१५ कार्तिक २०७७, शनिबार

इ-पासपोर्टको ठेक्कामा चलखेल

  प्रकाशित मिति
२८ आश्विन २०७७, बुधबार ११:१७


इ–पासपार्ट छपाइको विषय सरकारका लागि जटिल बन्न पुगेको छ । छपाइको ठेक्का दिनका लागि आह्वान गरिएको तेस्रो पटकको बोलपत्र पनि म्याद नसकिँदै विवादित बनेको छ ।

प्राप्त जानकारीअनुसार परराष्ट्र मन्त्रालयको पासपोर्ट शाखाले २ लाख प्रति इ-पासपोर्ट छाप्नका लागि गत सेप्टेम्बर २४ तारिखमा बोलपत्र आह्वान गरेको थियो । टेण्डरका लागि अन्तिम मिति अक्टुबर १५, २०२० तोकिएको थियो । जसका लागि टेण्डर हाल्न इच्छुक अन्तर्राष्ट्रिय कम्पनीहरूको ‘प्रि बिड मिटिङ’ यही अक्टुबर ५ मा सम्पन्न पनि भयो । उक्त मिटिङमा जर्मनी, इजरायल, पोल्याण्डसहित १५ देशका विभिन्न कम्पनीले भाग लिएका थिए ।

अनलाइनमार्फत गरिएको उक्त ‘भर्चुअल मिटिङ’मा सम्बन्धित कम्पनीहरूले समय थोरै भएकाले बढाइदिनका लागि परराष्ट्रका अधिकारीहरूसँग आग्रह गरेका थिए । कम्पनीहरूको अनुरोधबमोजिम परराष्ट्रले सोही दिन साँझ ६ बजे सूचना जारी गरी नोभेम्बर ११ सम्मका लागि म्याथ थप गऱ्यो । म्याद थप गरिएको सूचना प्रकाशित भएपछि कम्पनीहरू समय थपियो भनेर ढुक्क भए । तर त्यसको भोलिपल्ट अक्टुबर ६ तारिखमा फेरि सच्याइएको (करेक्सन) भनी अर्को सूचना जारी भयो जसमा इ–पासपार्टको छनौटका लागि पुरानै मिति कायम गरिएको भन्ने उल्लेख थियो । अधिकांश कम्पनीले उक्त सूचना सुरुमा थाहा पनि पाएनन् । उनीहरू त नोभेम्बर ११ सम्म म्याद थपिएकोमा ढुक्क थिए ।

इ–पासपोर्टमा टेण्डर हाल्नका लागि दुई कपी नमूना पासपोर्ट र १० लाख डलर धरौटी राख्नुपर्ने प्रावधान छ । दुई कपी नै भए पनि पासपोर्ट छाप्न सम्पूर्ण प्रक्रिया पूरा गर्नुपर्छ । जमानत वापतको पैसा जम्मा गर्नु त छँदैछ, गुणस्तरीय पासपोर्ट छपाइका लागि छोटो समय अपर्याप्त हुन्छ । यति छोटो समयमा पहिला नै तयारी नगरेका कम्पनीलाई गाह्रो हुन्छ र यसबाट पहिला नै कुनै कम्पनीसँग मिलेमतो भएर टेण्डर आह्वान गरिएको बुझ्न गाह्रो पर्दैन ।

टेण्डर प्रक्रियामा नै यसरी जालझेल भएपछि इ–पासपोर्ट प्रकरणमा ठूलो घोटाला हुन सक्ने आशङ्का बढाएको छ । यसअघि गोकुल बास्कोटा मन्त्री रहँदा प्रतिपासपोर्ट आठ अमेरिकी डलर निर्धारण गरिएकोमा अहिले प्रतिपासपोर्ट तेह्र डलरभन्दा बढि मूल्य निर्धारण गरेको बुझिएको छ ।



प्रतिक्रिया दिनुहोस !
सम्बन्धित खबरहरु

विशेष प्रतिनिधि, टोकियो (जापान) कोरोना संक्रमणका कारण बन्द रहेको अन्तर्राष्ट्रिय यात्रालाई क्रमिक रुपमा सहज बनाउँदै आएको जापानले नोभेम्बर १ तारिखबाट

कोरोना भाइरसबाट संक्रमित भई यही कात्तिक ९ गतेदेखि उपचार गराइरहनुभएका संघीय सांसद एवं पार्टीका केन्द्रीय सदस्य मीन विश्वकर्माको उपचारका लागि

प्रतिक्षा सुवेदी (खड्गी), अष्ट्रिया कोरोना संक्रमणको पारो पछिल्लो दिनमा अत्याधिक बढेसँगै कतिपय युरोपियन मुलुकले पूर्ण बन्दाबन्दी गरे पनि अष्ट्रियाले चाहिँ

सङ्क्रमण निको हुने दर ७६.९ प्रतिशत नेपालमा शनिबार २,५०८ जनामा कोरोना सङ्क्रमण देखिएको छ । स्वास्थ्य तथा जनसङ्ख्या मन्त्रालयका अनुसार