कलैयामा बसले एक स्कुटीलाई ठक्कर दिँदा आइतबार (११ असोज) साँझ तीन जनाको घटनास्थलमै मृत्यु भएको छ ।

साँझ ५ बजे जीतपुर सिमरा उपमहानगरपालिका–१ पूर्वपश्चिम सडकखण्डको दुधौरा पुलबाट दुई सय मिटरपूर्व सडकमा निजगढबाट पथलैयातर्फ गइरहेको ना ४ ख ७२४४ नम्बरको बसले पथलैयाबाट निजगढतर्फ जाँदै गरेको प्रदेश नं २(०३)००४ प ४४४२ नम्बरको स्कुटीलाई ठक्कर दिँदा स्कुटीमा सवार चालक निजगढ नगरपालिका–१० लाल बस्ने २६ वर्षीय तीर्थमान स्याङ्तान, निजकै श्रीमती २३ वर्षीया ज्योति र एक वर्षीय छोराको घटनास्थलमै मृत्यु भएको प्रहरी प्रवक्ता गौतम मिश्रले जानकारी दिए ।

बसचालक फरार भएको र निजको खोजतलास भइरहेको बताइएको छ । दुवै सवारी प्रहरी नियन्त्रणमा छन् ।