नगरकोटस्थित नेपाली सैनिक वार कलेजमा आठौँ समूहको हाइयर कमाण्ड तथा म्यानेजमेन्ट तालिम आइतबार (११ असोज)देखि देखि शुरु भएको छ ।

बलाधिकृत रथी प्रभुराम शर्माले भर्चुअल माध्यमबाट तालिम शुभारम्भ गर्दै कार्यक्रम जटिल परिस्थिति र समयमा निर्णय लिन सक्ने भावी नेतृत्व उत्पादनमा निकै उपयोगी हुने विश्वास व्यक्त गर्नुभयो ।

तालिममा ३० महासेनानीको सहभागिता छ । उच्च तहमा जाने अधिकृतको वृत्ति विकासका लागि आवश्यक मानिने सो तालिम नेपाली सेनामा सञ्चालन हुने सबैभन्दा माथिल्लो पनि हो ।

कोभिड–१९ को परिस्थितिलाई ध्यानमा राखी पूर्ण रुपमा स्वास्थ्यसम्बन्धी सबै सुरक्षात्मक उपाय अपनाउँंदै सामाजिक दूरी कायम गरी तालिम सञ्चालन गरिने सैनिक जनसम्पर्क तथा सूचना निर्देशनालयले जनाएको छ ।