विशेष प्रतिनिधि, कपिलवस्तु
वाणगंगा नगरपालिकाको कोइलीखोलामा आएको बाढीले विद्युत प्राधिकरणको गाडी बगाउँदा एक जनाको मृत्यु भएको छ भने दुई जना बेपत्ता छन् । गाडीमा ६ जना सवार थिए, तीमध्ये तीनजनाले बाढीमा पल्टिएको गाडीबाट निस्केर ज्यान जोगाए ।
इलाका प्रहरी कार्यालय पिपराका अनुसार खोलाले बगाएको जीप फेला परेको छ । वाणगंगा वडा नं. ७ र ९ को सीमामा पर्ने कोइलीखोलामा बाढी आएको हो ।
बिहीबार (८ असोज) बिहानैबाट सुरक्षाकर्मीको टोली परिचालित भएको छ । हिजो दिउँसो ४ बजेदेखि राति ८ बजेसम्म खोजी भए पनि बेपत्ता भएका दुई जनाको शव नभेटिएपछि आज बिहान ५ बजेबाट खोजी कार्य सुरु भएको हो ।
खोजी कार्य सुरु भए पनि खोलामा पानीको सतह हिजोको भन्दा उच्च भएकाले थप समस्या भएको घटनास्थलबाट सशस्त्र प्रहरी बल पिपराका इन्स्पेक्टर चन्द्रप्रसाद ढकालले जानकारी दिनुभयो ।
६ जना सवार जिपमा तीन जना भने हाम फालेर बाँच्न सफल भएका छन् । हाम फालेर बाँच्न सफलमध्ये विजय पौडेल र पर्शुराम थारु विद्युतका कर्मचारीहरु हुन् भने कोपिला अधिकारी शिक्षका हुन् ।
विद्यूत फ्यूज शाखाप्रमुख कृष्णप्रसाद पौडेल र केशव भाट क्षेत्री अझै बेपत्ता छन् ।
यो पनि हेर्नुहोस्–
विद्युत प्राधिकरणको जिप बाढीले बगाउँदा दुई जनाको मृत्यु
प्रतिक्रिया