विकास रौनियार, धादिङ
पृथ्वी राजमार्गस्थित गल्छी बैरेनीको नमस्ते ग्यास उद्योगनजिकको मोडबाट ज्वलनशील पदार्थ बोक्ने ट्यांकर त्रिशूलीमा खसेको छ ।
पेट्रोल बोकेर अमलेखगञ्जबाट काठमाडौंतर्फ जाँदै गरेको उक्त ट्यांकर खसेपछि तेल भर्ने भागमा आगलागीसमेत भएको छ ।
आज (४ असोज) बिहान ३ बजेतिर ट्यांकर नदीमा खसेको अनुमान गरिएको छ ।
पानीमा माथिल्लो भाग मात्रै देखिएको उक्त ट्यांकरमा आगलागी भएकोले उद्धारमा समेत कठिनाइ भएको गजुरीस्थित जिल्ला ट्राफ़िक प्रहरी कार्यालयका गजुरीका प्रहरी निरीक्षक नेत्रप्रसाद भट्टले बताए ।
उक्त ट्यांकरमा चालकसहित कति जना व्यक्ति सवार थिए भन्ने शुरुमा नखुले पनि ट्याङ्कर चालक सुदीप बोहोरा र सहचालक सुरक्षित रहेका जानकारी मिलेको छ ।
उनीहरु आजै बिहान प्रहरीको सम्पर्कमा आएका छन् । ट्याङ्करको स्टेयरिङ भाँचिएर नियन्त्रण गर्न नसक्दा पल्टिएको चालक बोहोराले प्रहरीसमक्ष बताएका छन् ।
प्रतिक्रिया