केही दिनअघि कोभिड पोजेटिभ पुष्टि भइ घरमै आइसोलेसनमा रहँदै आएका नेपाली कांग्रेसका महामन्त्री शशांक कोइरालालाई अस्पताल भर्ना गरिएको छ ।
यही भदौ २३ गते संक्रमण पुष्टि भएपछि आइसोलेसनमा रहँदै आएका महामन्त्री कोइरालालाई अकस्मात् ज्वरोले च्यापेपछि ओम अस्पताल भर्ना गरिएको हो ।
कोइरालाका स्वकीय सचिव सचिव भरत तिवारीका अनुसार अचानक ज्वरोले च्यापेपछि मंगलबार राति नै अस्पताल भर्ना गरिएको हो ।
बताइएअनुसार सोमबार साँझ ६ बजेदेखि कोइरालालाई १०३ डिग्री ज्वरो आएकोमा त्यसको दुई घण्टासम्म पनि ज्वरो नरोकिएपछि अस्पताल लगिएको थियो, तर अहिले भने ज्वरो हटिसकेको छ । उपचारमा खटिएका डाक्टरले कोइरालालाई निमोनिया भएको संकेत देखिएको छ ।
अस्पतालका प्रवन्ध सञ्चालक बाबुकाजी कार्कीले एक बक्त्तब्य प्रकाशित गरि महामन्त्री कोइरालाको स्वस्थ्य अवस्था स्थिर तथा सुधारोन्मुख रहेको जनाएका छन ।
कोइरालाको उपचारमा ओम अस्पतालका मेडिकल डाइरेक्टरसमेत रहेका डाक्टर विश्वनाथ कोइराला, डाक्टर सुवोध सागरलगायतको टिम संलग्न रहेको र स्वास्थ्यावस्था स्थिर रहेको अस्पतालले जनाएको छ ।
प्रतिक्रिया