विकास रौनियार, धादिङ

श्वासप्रश्वासमा समस्या आएपछि काठमाडौंको धुम्वाराहीस्थित ह्याम्स अस्पतालमा उपचार गराउँदा गराउँदै मृत्यु भएका धादिङका एक पुरुषमा मृत्युपश्चात कोरोना पुष्टि भएको छ ।

निलकण्ठ नगरपालिका–१४ का एक पुरुषको मंगलबार ४ बजे ह्याम्स अस्पतालमा मृत्यु भएको थियो । धादिङवेशी काठमाडौं रुटमा गाडी चलाउने ती व्यक्ति लकडाउन भएर सवारीसाधन नचलेपछि गाउँमा नै रहेका थिए।

उनको मंगलवार ४ बजे मृत्यु भएको र मृत्युपश्चात गरिएको कोरानाको परिक्षण रिपोर्ट पोजिटिभ आएको हो । रिपोर्ट पोजिटिभ देखिएका कारण उनको शव अस्पतालले सेनाको जिम्मा लगाउने तयारी गरेको परिवारले जानकारी दिए ।

गाउँमै रहँदा निमोनियाको शंका लागेपछि सोमबार बिहान उपचार गराउन उनी जिल्ला अस्पताल धादिङवेशी आएका थिए । जिल्ला अस्पताल धादिङवेशीमा प्रारम्भिक उपचार र एक्सरे गर्दा फोक्सोमा गम्भीर समस्या देखिएपछि जिल्ला अस्पताल धादिङवेशीले थप उपचारको लागि काठमाडौं रिफर गरेको थियो।