१३औँ दक्षिण एसियाली खेलकुद प्रतियोगिता (साग) मा नेपाललाई दोहोरो दुई स्वर्ण पदक दिलाउने करातेका मन्डेकाजी श्रेष्ठ सम्मानित भएका छन् । मन्डेकाजी ५ लाख नगदसहित सम्मानित भएका हुन् ।

राष्ट्रिय युवा संघ नेपालका रमेश आचार्यको आतिथ्यमा आयोजित एक अनौपचारिक कार्यक्रममा मन्डेकाजीलाई सम्मान गरिएको हो ।

उक्त पुरस्कार धादिङ जिल्ला फुटबल संघका अध्यक्ष दीपक खतिवडाको समन्वयमा व्यवस्था भएको हो । ललितपुरस्थित होटल भिभान्तामा मन्डेलाई सम्मान गरिएको हो ।

करातेका पूर्व राष्ट्रिय खेलाडी रवि महर्जनको व्यवस्थापनमा भएको उक्त कार्यक्रमलाई कर्मा कन्स्ट्रक्सनका प्रोपाइटरले विशेष सहयोग गरेको थियो ।