विनयी त्रिवेणीलाई नमूना गाउँपालिका बनाउने अठोट

आरपी उपाध्याय, नवलपरासी



पूर्वी नवलपरासी विनयी त्रिवेणी गाउँपालिकाको सातौँ गाउँसभा एवम् वार्षिक नीति तथा कार्यक्रम दुम्कीवासमा बुधबार आयोजित एक विशेष कार्यक्रम बीच सार्वजनिक गरिएको छ ।

गाउँपालिका अध्यक्ष डम्बरबहादुर जिसीको अध्यक्षतामा आयोजित गाउँसभामा विनयी त्रिवेणी गाउँपालिकालार्ई विकास पुर्वाधारको रुपमा विकसित गर्दै प्राकृतिक स्रोतसाधन उपयोग गरी नमुना गाउँपालिका बनाउने अटोट गाउँसभामा गरिएको थियो ।

गाउँपालिका उपाध्यक्ष मीना रानाले आर्थिक वर्ष ०७७/७८ को लागि कुल ६५ करोडको बजेट प्रस्तुत गर्नुभयो । सो अवसरमा अध्यक्ष जिसीले बहुचर्चित त्रिवेणी दुम्किबास सडक निर्माण कार्यमा चितवन राष्ट्रिय निकुन्जको मध्यवर्ती जङ्गलको कानुन बाधक रहेको आरोप लगाउँँदै कानुनी जटिलताको कारण उक्त सडक बन्न नसकेको जिकिर गर्नुभयो ।

कार्यक्रममा प्रमुख प्रशासकीय अधिकृत बोधराज बस्याल, वडाअध्यक्षहरु गोपालबहादुर क्षेत्री, प्रितमबहादुर गुरुङ, अजितकुमार थापा, विष्णु ढकाल, गोपाल अधिकारी, सुकबहादुर वैधवार लगायतले बजेट तथा नीति कार्यक्रमबारे प्रतिक्रिया एवम् मन्तब्य ब्यक्त गरेका थिए ।

गाउँसभामा वडासदस्यहरुका साथै सम्बद्ध कर्मचारीलगायतको उपस्थिति रहेको योजना अधिकृत कृष्णप्रसाद अर्यालले जानकारी दिनुभयो ।

प्रतिक्रिया