१३ श्रावण २०७८, बुधबार

धादिङबेसीमा मोटरसाइकल चालकलाई प्रहरीले कुटेको भिडियो भाइरल

  प्रकाशित मिति
३ बैशाख २०७७, बुधबार १३:२६


■ विकास रौनियार, धादिङ

धादिङको सदरमुकाम धादिङबेसीमा लकडाउन उल्लंघन गरेको भन्दै प्रहरीले एक मोटरसाइकल चालक युवामाथि लाठी बर्षाएको भिडियो यतिबेला सामाजिक सञ्जालमा भाइरल बनेको छ ।

महिला प्रहरी सहायक निरीक्षक (असई)ले मोटरसाइकल चालकलाई लाठीले प्रहार गर्दै गरेको भिडियोमा देखिन्छ ।

उक्त घटना मंगलबार (२ वैशाख) साँझको हो । महिला असईसँगै रहेका छन्, अरु दुई प्रहरी । मोटरसाइकल रोकेर ती असईले असभ्य भाषामा ‘तँ कहाँ जान लागेको, लकडाउन छ भन्ने थाहा थिएन ?’ भन्दै कटवासको लौराले कुटेको भिडियोमा देखिन्छ ।

मोटरसाइकल चालक समस्या परेर सडकमा निस्केको हो कि होइन भन्नेबारे नबुझी बल प्रयोग गरेको भन्दै सामाजिक सञ्जालमा प्रहरीको आलोचना भएको छ ।

जिल्ला प्रहरी कार्यालय धादिङका सूचना अधिकारी डीएसपी रुपक खड्काले भिडियोबारे आफूले भर्खरै सुनेको भन्दै भिडियो हेर्न नपाएको बताए । ‘कोही जरुरी काममा निस्केको छ भने त हामीले छाडेका छौँ, तर अनावश्यक निस्कनेलाई चाहिँ कारवाही गरिएको छ’ खड्काले भने– ‘भिडियोको वास्तविकता के हो म बुझ्छु ।’

हेर्नुहोस् भिडियो-



प्रतिक्रिया दिनुहोस !
सम्बन्धित खबरहरु

■ अनन्तश्री राजगुरु जगतगुरु वीरेन्द्र परम्हंश ज्योतिषाचार्य आजको पञ्चाङ्ग श्रीशाके १९४३ वर्षा ऋतु राक्षसनामक संवत्सर नेपाल सं. ११४१ वि.सं. २०७८

जापानको राजधानी टोकियोमा जारी ३२औँ ग्रीष्मकालीन ओलम्पिक खेलकूदमा आयोजक जापान पदक तालिकाको शीर्ष स्थानमा उक्लेको छ । अमेरिका र चीनलाई

प्रधानमन्त्री शेरबहादुर देउवा र संयुक्त राज्य अमेरिकाका विदेशमन्त्री एन्टोनी ब्लिंकेनबीच मंगलबार टेलिफोन सम्वाद भएको छ । टेलिफोन वार्तामा नेपाल र

सनत आचार्य, बेल्जियम गैरआवासीय नेपाली संघ बेल्जियमको मत गणनाको परिणाम सार्वजनिक भएको छ । मतदानको क्रममा आन्तर्पेनमा भएको झडपपछि आइतबार