कोरोना भाइरसको सङ्क्रमण देखिएको १० दिनसम्म निवासमै क्वारेन्टाइनमा रहँदै आउका बेलायतका प्रधानमन्त्री बोरिस जोनसन अस्पताल भर्ना भएका छन् ।
कोरोनाको लक्षणहरू उस्तै रहेको र तापक्रम पनि रहेकाले प्रधानमन्त्री जोनसनलाई आइतबार (५ अप्रिल) साँझ लन्डनस्थित अस्पतालमा पुऱ्याइएको हो । तथापि उनको अवस्था सामान्य रहेको र अस्पताल लैजाने कदम सावधानीको रुपमा चालिएको बताइएको छ ।
कोरोना भाइरसको सङ्क्रमण देखिएको १० दिन बितिसक्दा पनि प्रधानमन्त्रीलाई लक्षणहरू निरन्तर उस्तै देखिएकोले सावधानीका लागि अस्पताल भर्ना गरिएको प्रधानमन्त्रीका चिकित्सकलाई उद्धृत गर्दै एपीले जनाएको छ ।
AP
प्रतिक्रिया