१४ फाल्गुन २०७७, शुक्रबार

‘कोरोना भाइरस उपचार कोष’लाई पूर्व श्री ५ का तर्फबाट २ करोड प्रदान

  प्रकाशित मिति
१८ चैत्र २०७६, मंगलवार १३:२२


पूर्व श्री ५ महाराजाधिराज ज्ञानेन्द्र शाहले कोरोना भाइरसको महामारीबाट बच्नका लागि ‘लकडाउन’नै बाध्यात्मक अनिवार्यता भएको र यसको पालनामा गैरजिम्मेवार हुने छुट कसैलाई नभएको बताउनुभएको छ ।

‘कोभिड–१९’ बारे मंगलबार (१८ चैत) एक सन्देश जारी गर्दै उहाँले विश्वमा अहिले देखापरेको कोरोना भाइरसको महामारीले सिङ्गो मानव सभ्यता र विकासलाई नै गम्भीर चुनौती दिएको उल्लेख गर्दै देश र जनतामा यस महामारीले भय–संत्रास पैदा गराएको बताउनुभएको छ ।

मानव अस्तित्व रक्षाका निम्ति भइरहेको पहलप्रति संवेदनशील हुँदै हामी सबैले आ–आफ्नो ठाउँ र क्षमताबाट केही न केही योगदान पुर्याउनु अनिवार्य भएको पूर्व श्री ५ले आफ्नो सन्देशमार्फत् सुझाव दिनुभएको छ ।

महामारीको यो संकटमा आफ्नो ज्यानको परवाह नगरी अहोरात्र सेवामा खट्नुहुने चिकित्सक, नर्स र अन्य स्वास्थ्यकर्मी तथा नेपाली सेना, नेपाल प्रहरी र सशस्त्र प्रहरीलगायत सम्पूर्ण सुरक्षाकर्मीका साथै जनतालाई समयमै सुसूचित गरेर योगदान पुर्याउने सञ्चारकर्मीहरूप्रति उहाँले आभारी प्रकट गर्नुभएको छ ।

आफ्नो सन्देशमा पूर्व श्री ५ ज्ञानेन्द्रले भन्नुभएको छ– ‘आम नेपाली दाजुभाइ तथा दिदी–बहिनीले दुःखको घडीमा अभाव र समस्या सहेर पनि यसविरुद्ध लड्न जुन अनुशासन तथा धैर्यता दर्शाउनुभएको छ, यसको हामी उच्च सराहना गर्दछौँ ।’

वक्तव्यको अन्त्यमा भनिएको छ– ‘राहत, उद्धार र ब्यवस्थित बन्दोबस्त जुटाउन सरकारी र गैरसरकारी सबै पक्षबाट समन्वयकारी ढंगमा मानवीय सेवा–सहयोगमा काम भइरहेको बेलामा यसको प्रशंसा गर्दै यसलाई अझै प्रभावकारी बनाउन हामी अनुरोध गर्दछौँ । दुःख–कष्ट र आपत–विपदको यो घडीमा सबैका साथमा साथ दिँदै हाम्रो तर्फबाट हिमानी कोषलाई रु. २ करोड दिई नेपाल सरकारको ‘कोरोना भाइरस संक्रमण, रोकथाम, नियन्त्रण र उपचार कोष’मा दाखिला गर्न बुझाएका छौँ । यस कार्यले पनि केही सहयोगी भूमिका रहने विश्वास लिएका छौँ । भगवान श्री पशुपतिनाथले हामी सबैको रक्षा गरून् । जय नेपाल !’



प्रतिक्रिया दिनुहोस !
सम्बन्धित खबरहरु

झण्डै मुलुकको कूल ग्राहस्थ उत्पादन (जिडिपी) बराबर पुगेको बजार पूँजीकरणमा ठूलो गिरावट आएको छ । धितोपत्र बजारमा शेयर कारोबार मापक

■ अनन्तश्री राजगुरु जगतगुरु वीरेन्द्र परम्हंश ज्योतिषाचार्य आजको पञ्चाङ्ग श्रीशाके १९४२ नेपाल सं. ११४१ श्रीसूर्योत्तरायणे शिशिर ऋतु प्रमादीनामक संवत्सर वि.सं.

सनत आचार्य प्रतिनिधिसभाका सांसदहरूले संसद् विघटन भएको अवधिको समेत एकमुष्ट तलब पाउने भएका छन् । प्रधानमन्त्री केपी शर्मा ओलीले गत

नेपाली कांग्रेसका पूर्वमहामन्त्री प्रकाशमान सिंहले कांग्रेस अहिले हतारिएर सरकारमा नजाने बताएका छन् । मध्यपुरथिमि नगरपालिका-३ कौशल्टारमा कांग्रेसका युवा नेता एवं