३ माघ २०७७, शनिबार

दक्षिण सुडानबाट फिर्ता भएका द.कोरियाली सैनिकको कोरोना सङ्क्रमण परीक्षण हुने

  प्रकाशित मिति
१५ चैत्र २०७६, शनिबार १७:५८


नौ महिना दक्षिण सुडानमा शान्ति सेनाका रूपमा काम गरी शनिबार (२८ मार्च) स्वदेश फर्किएका सबै दक्षिण कोरियाली सैनिकको कोरोना भाइरस सङ्क्रमण भए नभएको परीक्षणपछि मात्र शिविरमा पठाइने त्यहाँको सैनिक मुख्यालयले जनाएको छ ।

उनीहरू इथियोपियाली विमान कम्पनीको विशेष उडानमार्फत शनिबार बिहान इन्चिअ अन्तर्राष्ट्रिय विमानस्थलमा अवतरण गरेका थिए । विश्वव्यापी कोरोना भाइरसका कारण दक्षिण सुडानमा रोकिएका उनीहरूलाई दक्षिण कोरियाली सरकारको पहलमा इथियोपियाली विमानमा स्वदेश ल्याइएको रक्षा मन्त्रालयद्वारा जारी विज्ञप्तिमा उल्लेख छ ।

उनीहरूलाई पालो दिन अन्य टुकडी नगएसम्म फिर्ता हुन नमिल्ने भएपनि कोभिड–१९ को सङ्क्रमणको विश्वव्यापी प्रकोपपछि कोरियाली रक्षा मन्त्रालयको पहलमा स्वदेश ल्याइएको समाचार एजेन्सी योन्हापले जनाएको छ । उनीहरूको सट्टामा जाने सैनिक तयारी अवस्थामा रहेका र स्वास्थ्यस्थिति सहज हुनासाथ पठाइने पनि मन्त्रालयले जनाएको छ ।

शनिबार प्राप्त समाचार अनुसार संयुक्त राष्ट्रसंघका विभिन्न देशमा खटिएका ८६ कर्मचारी पनि कोरोना भाइरसबाट सङ्क्रमित भएका छन् ।

राष्ट्रसङ्घका प्रवक्ता स्टेफन डुजारिकका अनुसार सङ्क्रमितमध्ये अधिकांश युरोपेली मुलुकमा खटिएका कर्मचारी रहेका छन् । त्यसैगरी अफ्रिका, एसिया, मध्यपूर्व र अमेरिकामा खटिएका केही कर्मचारी पनि सङ्क्रमित भेटिएका छन् ।



प्रतिक्रिया दिनुहोस !
सम्बन्धित खबरहरु

रामभरत साह, जनकपुर महोत्तरी जिल्लाको मठीहानी नगरपालिकास्थित लक्ष्मीनारायण मठका महन्त जग्गरनाथ दास बैष्णवले मठको नाउँमा रहेको जनकपुरधाम उपमहानगरपालिका–८ बजरंग चोकस्थित

मायादेवी च्यारिटेबल फाउण्डेशनले सिद्धार्थनगर नगरपालिका वडा नम्बर ९ का वृद्धवृद्धालाई न्यानो कपडा वितरण गरेको छ । जाडोबाट बच्न केही भए

बाटोमा हिँडिरहेका व्यक्तिको सिक्री तथा झोला, मोटरसाइकल र स्कुटर प्रयोग गरी चोरी गर्ने गिरोह पर्वतमा पनि सक्रिय रहेको भेटिएको छ

हुम्लाको चङ्खेली गाउँपालिकास्थित मेल्छाम प्रहरी चौकीमा कार्यरत हवल्दार देवेन्द्र खड्काको माथिबाट खसेको ढुङ्गा छल्न खोज्दा लडेर मृत्यु भएको छ ।