मुटूको चालमा अस्वाभाविकता आएको महसुस भएपछि बिहीबार (१३ चैत) राति अस्पताल भर्ना हुनुभएका प्रधानमन्त्री केपी ओली अस्पतालबाट निवास फर्कनुभएको छ ।

रातको ११ बजे अस्वस्थता महसुस गरेपछि प्रधानमन्त्री ओलीलाई महाराजगञ्जस्थित मनमोहन कार्डियोभास्कुलर तथा थोरासिक सेन्टरमा पुऱ्याइएको थियो । उहाँलाई शुक्रबार साँझ (१४ चैत) डिस्चार्ज गरिएको हो । सम्बन्धित चिकित्सकहरुले प्रधानमन्त्रीको स्वास्थ्यावस्था यतिबेला सामान्य रहेको जानकारी दिएका छन् ।

प्रधानमन्त्रीको उपचारमा लामो समयदेखि संलग्न चिकित्सक अरुण सायमिले उहाँमा मुटुको चाल बढ्ने समस्या पहिलेदेखि नै रहेको जानकारी दिँदै हिजो पनि त्यस्तै समस्या देखिएको तर अहिले सामान्य भएपछि डिस्चार्ज गरिएको बताए ।