आकर्षक तलब पाउने गरी काम गर्न फ्रान्स पठाइदिने भन्दै ठगी गरेको आरोपमा एक महिला पक्राउ परेकी छन् । पक्राउ पर्नेमा रुपन्देहीको दूधराक्ष घर भई काठमाडौंको मनमैजु बस्दै आएकी ४३ वर्षीया पूर्णिमा श्रीष रहेकी छिन् ।

उनी तीनजना युवाबाट ३८ लाख ५० हजार रुपैयाँ ठगी गरेको आरोपमा पक्राउ परेकी हुन् । उनलाई महानगरीय अपराध महाशाखाको टोलीले बालाजुबाट पक्राउ गरेको प्रहरीले जनाएको छ ।

उनले फ्रान्समा फुड प्याकिङ गर्ने काम लगाइदिन्छु भन्दै तीनजनाबाट ३८ लाख ५० हजार रुपैयाँ उठाएकी थिइन् । तर, पैसा लिएको लामो समयसम्म पनि सम्पर्कमा नआएपछि पीडित युवाले महानगरीय अपराध महाशाखामा उजुरी दिएका थिए । सोही उजुरीका आधारमा उनी पक्राउ परेकी हुन् ।