एसियाली विकास बैंक (एडीबी) ले मंगोलियामा दुईवटा परियोजना सञ्चालनका लागि करिब १६ करोड अमेरिकी डलर ऋण स्वीकृत गरेको छ ।
एडीबीले बिहीबार जारी गरेको विज्ञप्तिमा यो ऋणबाट मंगोलियामा वायु प्रदुषण रोकथाम गर्ने र स्वास्थ्य क्षेत्रमा सुधार गर्ने सरकारको योजनामा मद्दत पुग्नेछ ।
मंगोलियाका लागि एडीबीका निर्देशक पावित रामचन्द्रनले राजधानी उलान बटोरको वायुको गुणस्तरमा निकै सुधार भए पनि शहरमा मानिसको स्वास्थ्य समस्या निकै जटिल रहेको बताए । एडीबीले मंगोलियाका लागि उपलब्ध गराएको यो दोस्रो ऋण सहयोग हो ।
उलान बटोरमा करिब ८ लाखको बसोवास छ । नगरमा खानेपानी, विद्युत र ढलजस्ता आधारभूत सुविधाको निकै कमी छ ।
स्थानीयवासीले पर्याप्त विद्युतको अभावमा कमजोर गुणस्तरको कोइला र मट्टीतेल बाल्ने गर्दछन् जसका कारण घरभित्र र बाहिरको वातावरण निकै प्रदूषित रहेको विभिन्न अध्ययनहरूले देखाएका छन् ।
प्रतिक्रिया