चर्चित पौडीखेलाडी गौरिका सिंहले १३औँ दक्षिण एसियाली खेलकुद प्रतियोगिता (साग)मा स्वर्ण पदक जित्नुका साथै नयाँ कीर्तिमान बनाएकी छिन् ।

सातदोबाटोस्थित नयाँ हिटिङ पौडी पोखरीमा सञ्चालन भएको २०० मिटर फ्री स्टाइलमा गौरिकाले स्वर्ण जितेकी हुन् । उनले उक्त दुरी २ मिनेट ५.०६ सेकेन्डमा पार गरेकी थिइन् ।

साग खेलकुदको इतिहासमा पौडीतर्फ व्यक्तिगत स्पर्धामा स्वर्णपदक जित्ने गौरिका पहिलो खेलाडी बनेकी छिन् । त्यस्तै, नेपालले पनि पहिलोपटक व्यक्तिगत स्पर्धामा पहिलो स्वर्ण प्राप्त गरेको छ ।

कीर्तिमानी खेलाडी गौरिकाले यसअघि भारतको गुवाहटी र सिलोङमा सम्पन्न भएको १२औँ सागमा रजत पदक जितेकी थिइन् ।