टर्कीको आक्रमणपछि सिरियाबाट तीन लाख विस्थापित

टर्कीको आक्रमणपछि सिरियाबाट तीन लाख विस्थापित


टर्कीले उत्तरपूर्वी सिरियाको कुर्द नियणन्त्रित क्षेत्रहरूमा गरेको आक्रमणको कारण तीन लाखभन्दा बढी मानिस विस्थापित भएका मानवअधिकारवादी संस्थाले बिहीबार जानकारी दिएको छ ।

मानवअधिकारवादी संस्था ‘सिरियन अब्जरभेटरी फर ह्युमन राइट्स’का प्रमुख रामी अब्देल रहमानले यो आक्रमण सुरु भएदेखि हालसम्म तीन लाखभन्दा बढी सर्वसाधारण विस्थापित भइसकेका बताए । बाध्य भएर विस्थापित हुने व्यक्तिको संख्या अझै बढ्ने सक्ने पनि उनको भनाइ छ ।

विस्थापितले आफन्तहरूसँग सुरक्षित क्षेत्रमा सर्न खोजेको भए तापनि कोही बगैँचामा सुतिरहेका थिए भने कोही आपतकालीन शरणस्थलमा पुगेका अब्देल रहमानले बताए ।

उत्तर, उत्तरपूर्वी सिरियाको कुर्दिस समर्थकहरूले नियन्त्रण गरिरहेको क्षेत्रहरूमा गत अक्टोबर ९ बाट हमला शुरु भएको थियो । उत्तरपूर्वी सिरियाबाट अमेरिकी सेना फर्काउने संयुक्त राज्य अमेरिकाको निर्णयपछि टर्कीले हवाई र स्थलगत आक्रमण शुरु गरेको थियो ।

उत्तरपूर्वी सिरियाको कुर्दिस लडाकुको नियन्त्रणमा रहेको यस इलाकाबाट राष्ट्रपति डोनाल्ड ट्रम्पले आधिकारिक रूपमा अमेरिकी सहयोग रोकेर असाधारण कदम चालेको भन्दै आलोचना भइरहेको छ ।
रासस–एएफपी