सागका लागि बक्सिङको अन्तिम छनोट भदौ २९ गते हुने





नेपाल बक्सिङ संघले १३औं दक्षिण एशियाली खेलकुद (साग) मा सहभागिता जनाउने खेलाडीको अन्तिम छनोट भाद्र २९ देखि ३१ सम्म गर्ने निर्णय गरेको छ । लगनखेलस्थित आर्मीको तालिम केन्द्रमा संचालन हुने छनोट प्रतियोगिका लागि १३ औं दक्षिण एशियाली खेलकुद खेलाडी छनोट कार्यविधिका आधारमा आठौं राष्ट्रिय खेलकुद प्रतियोगितामा प्रथम, दोश्रो र तृतिय हुने खेलाडी सहभागिता जनाउन पाउने छन् ।

साथै विशेष कारण बस आठौं राष्ट्रिय खेलकुद प्रतियोगितामा सहभागिता जनाउन छुटेका तर विशिष्ट क्षमता भएका प्रतिभावान खेलाडीका हकमा नेपाल बक्सिङ संघको निवेदनका आधारमा छनोट समितिको सिफारिसमा कार्यकारी समितिले समावेश गर्ने निर्णय गरेको खण्डमा छनोटमा सहभागिता पाउने नेपाल बक्सिङ संघले जनाएको छ ।

प्रतिक्रिया