हरितालिका तीज पर्वको अवसरमा हेमाले गरिन् मोहक नृत्य



चर्चित अभिनेत्री तथा भारतीय जनता पार्टी (बीजेपी) की सांसद हेमा मालिनीले हरितालिका तीज पर्वको पूर्वसन्ध्यामा नृत्य प्रस्तुत गरेकी छिन् । ‘ड्रीम गर्ल्स’ हेमाले वृन्द्रावनमा आयोजित ‘झुलन उत्सव’ को उपलक्ष्यमा श्री राधा रमण मन्दिर परिसरमा मनमोहक नृत्य प्रदर्शन गरेकी हुन् । यो मन्दिर प्राचीन सप्तदेवालय मध्यमा एक मानिन्छ ।

हेमामालिनी एक कुशल क्लासिक नृत्याङ्गना हुन् । हेमाले ‘गोविन्द के यमुना तीरे धीर समीरे हसत खेल वनमाली’ गीतमा त्यहाँ क्लासिक नृत्य प्रदर्शन गरेकी थिइन् । हेमाको उक्त नृत्य हेर्न त्यहाँ हजारौँ दर्शकहरुको भीड लागेको थियो । हेमाले नृत्य प्रदर्शन गर्दा सुनको गहना, रंगीन चुरा र रातो लेहङ्गा लगाएकी थिइन् । वलिउडमा शुरुदेखि नै ड्रीम गर्ल्सको उपाधि पाएकी हेमा यो पहिरनमा निकै सुन्दर देखिएकी थिइन् ।

नेपालमा महिलाको महान् पर्वका रूपमा तीज मनाइए झैँ भारतमा पनि हरितालिका तीज पर्व मनाइन्छ । यो पर्वमा विवाहित महिला आफ्नो पतिको लामो आयुको लागि र अविवाहित महिलाहरू भगवान शिवजस्तै स्वामी पाउन सोह्र श्रृंङ्गार गर्दै ब्रत बस्छन् । यो पर्वमा सोह्र श्रृंङ्गार गर्दै भगवान शिव र माता पार्वतीको पूजाआजा गर्छन् ।

प्रतिक्रिया