काठमाडौं महानगरपालिका–६ बौद्ध तीनचुलीमा डेरा गरी बस्ने ४० वर्षीय जापानी नागरिक सुमिजु तेञ्जीको दुई लाख रुपैयाँ शुक्रबार लुटिएको छ ।

डेरा गरी बसेको घरभित्र पसी अपरिचित समूहले सुमिजुलाई धारिलो हतियार प्रहार गरेर घाइते बनाई साथमा रहेको नगद लुटपाट गरेको प्रहरी प्रधान कार्यालयले जनाएको छ ।

खबर प्राप्त हुनासाथ महानगरीय प्रहरी वृत्त बौद्धबाट खटिएको प्रहरीले फरार लुटेराको खोजी गरिरहेको छ । घाइते सुमिजुको नेपाल मेडिकल कलेज अत्तरखेलमा उपचार भइरहेको छ ।