वेष्टइन्डिजविरुद्ध सतकीय पारी खेल्ने बंगलादेशका क्रिकेटर शकिव अल हसन विश्वकप–१९ मा अहिलेसम्म सबैभन्दा बढी रन बनाउने खेलाडीमा अग्रपङ्क्तिमा रहेका छन् । शकिवले वेष्टइन्डिजविरुद्ध ९९ बलमा १ सय २४ रनको अविष्मणीय सतकिय पारी खेलेपछि उनी नम्वर एकको सूचिमा परेका हुन् ।

विश्वका नम्बर एक अलरान्डरको रुपमा परिचित शकिवले चार खेलमा ३ सय ८४ रन बनाएका छन् । उनले यसभन्दाअघि पहिलो स्थानमा रहेका अष्ट्रेलिया कप्तान एरोन फिन्चलाई हटाएका थिए । फिन्चले ३ सय ४३ रन बनाएर अहिले दोश्रो नम्बरमा छन् ।

शकिवले अहिलेसम्म चार खेलमा १ सय २८ को औसतले रन बनाउँदै दुई सतक र दुई अर्धसतक प्रहार गरेका छन् । शकिबले पहिलो अर्धसतक दक्षिण अफ्रिकाविरुद्ध बनाएका थिए ।

त्यस्तै तेस्रो नम्वरमा भारतका रोहित शर्मा रहेका छन् । उनले तीन खेलमा दुई सतक र एक अर्धसतकका साथ ३ सय १९ रन बनाएका छन् ।