राष्ट्रिय खेलकुद परिषद्को आयोजनामा सञ्चालन भएको अन्तरक्वान राष्ट्रिय उसु प्रतियोगिताको युुवा तथा खेलकुदमन्त्री जगतबहादुर सुनार (बिश्वकर्मा)ले उद्घाटन गरेका छन् । उक्त प्रतियोगिता जातीय भेदभाव तथा छुवाछ्त उन्मूलन दिवसको उपलक्ष्यमा आयोजना गरिएको हो ।

सो अवसरमा मन्त्री सुनारले जातिय भेदभाव तथा छुवाछुतविरुद्ध खेलकुद प्रभावकारी हुने धारण ब्यक्त गरेका थिए । खेलकुद क्षेत्र जातिय भेदभाव भन्दा माथि छ, यहि सन्देश खेलकुदले देशब्यापी पुऱ्याउने छ मन्त्री सुनारले भने ।

प्रतियोगितामा पुरुष सान्सोमा ९ स्पर्धा रहेका छन् भने महिला सान्सोमा ६ स्पर्धा समावेश गरिएको छ । त्यस्तै थाउलोतर्फ महिला तथा पुरुष दुवैमा ११, ११ स्पर्धा रहेका छन् । प्रतियोगिता जेठ २५ गते सम्म संचालन हुनेछ ।