आठौं राष्ट्रिय खेलकुदमा प्रदेश ३ बाट आईटिएफ तेक्वान्दोमा पदक बिजेता खेलाडीलाई भक्तपुर जिल्ला आईटिएफ संघले सम्मान गरेको छ । भक्तपुर जिल्लाका सोनी खड्का, सौरब धिमिरे र शिशिर श्रवण राईले स्वर्ण जितेका थिए ।

स्पाईरिङ ४५ केजीमुनिको तौल समूहमा सोनीले स्वर्ण जितेकी थिईन् । त्यस्तै प्याट्रनतर्फ रातो पेटिमा सौरभले स्वर्ण जित्दा शिशिरले निलो पेटिमा स्वर्ण हात पारेका थिए । सम्मानित अन्य खेलाडीमा रजत बिजेता श्वेता राई, अनिसा कार्की र निलिमा सुनुवार रहेका छन् । काँस्य बिजेतामा आशिष भूजेल र समिर श्रेष्ठ पनि सम्मानित भए ।

पदक विजेता खेलाडीहरुलाई सुर्यबिनायक नगरपालिकाका प्रमुख बासुदेब थापा, आईटिएफ तेक्वान्दो केन्द्रीय अध्यक्ष अन्जन धमला, माउन्ट भ्यू स्कुलका प्रिन्सिपल राजकुमार महर्जन, आयोजक भक्तपुर आईटिएफका अध्यक्ष आषिश कार्कीलगायतले खेलाडीलाई सम्मान गरेका थिए ।