नेपाली काङ्ग्रेसका सभापति शेरबहादुर देउवाले नेपाल महिला सङ्घका केन्द्रीय अध्यक्ष एवं सांसद उमा रेग्मीका पिता तथा पार्टीका नेता षडानन्द रेग्मीको निधनप्रति दुःख व्यक्त गरेका छन् ।
सभापति देउवाले आइतबार शोक विज्ञप्तिमार्फत उनको निधनबाट काङ्ग्रेसलाई अपूरणीय क्षति पुगेको छ र पार्टीले एक ज्येष्ठ व्यक्तित्वलाई गुमाएको उल्लेख गरेका छन् । सभापति देउवाले उनको आत्माको चीर शान्तिको कामना गर्दै शोक सन्तप्त परिवारजनप्रति समवेदना प्रकट गरेका छन् ।
काङ्ग्रेसको क्रियाशील सदस्यसमेत रहेका रेग्मीको आइतबार चितवनको भरतपुर–१८ चनौलीस्थित आफ्नै निवासमा ९७ वर्षको उमेरमा निधन भएको हो । स्व रेग्मी नेपालको लोकतान्त्रिक आन्दोलनमा सक्रिय भूमिका निर्वाह गरेका थिए ।
प्रतिक्रिया