३० जेष्ठ २०७८, आईतवार

एमाले-माओवादी दुवै पार्टीका केन्द्रीय कमिटी विघटन

  प्रकाशित मिति
३ जेष्ठ २०७५, बिहीबार १०:१६


पार्टी एकीकरण गर्न जुटेका एमाले–माओवादीले आ–आफ्ना केन्द्रीय कमिटी विघटन भएको घोषणा गरेका छन् । आजै दिउँसो बसेका दुवै पार्टीका केन्द्रीय बैठकले केन्द्रका कमिटीहरू विघटन भएको घोषणा गरेका हुन् ।

दुवै पार्टीबाट गठित पार्टी एकता संयोजन समितिको बिहान बसेको बैठकले एकताको घोषणा आजै गर्ने अनुमोदन गरेको एमाले उपमहासचिव विष्णु पौडेलले जानकारी दिए । साँझसम्म एकता गर्ने तयारीमा दुवै पार्टी जुटेका छन् । राष्ट्रिय सभागृहमा एकता गर्ने र त्यहीँबाट दुवै पार्टीका नेताहरू सम्मिलित केन्द्रीय कमिटी घोषणा गर्ने तयारी चलिरहेको छ । एकीकृत पार्टीको नाम, झन्डा, चुनाव चिह्न र पार्टी सञ्चालनको हाइकमाण्ड समूहको एकैचोटि घोषणा हुने संयोजन समितिका सदस्यहरूले बताएका छन् ।

एकतापछि ९ सदस्यीय पार्टी सञ्चालन हाइकमाण्ड बन्ने भएको छ । यसको प्रवक्तामा नारायणकाजी श्रेष्ठ रहने स्रोतले जनाएको छ । एमालेका विष्णु पौडेलले हाइकमाण्डको महासचिव पाउने सम्भावना बढेको छ । हाइकमाण्ड टिममा दुवै अध्यक्ष केपी शर्मा ओली, पुष्पकमल दाहाल ‘प्रचण्ड’, झलनाथ खनाल, माधवकुमार नेपाल, वामदेव गौतम, रामबबहादुर थापा बादल, ईश्वर पोखरेल र विष्णु पौडेल रहने भएका छन् ।



प्रतिक्रिया दिनुहोस !
सम्बन्धित खबरहरु

कोभिड–१९ को सङ्क्रमणका कारण गम्भीर बिरामीको उपचारमा सहज बनाउन सरकारी निकायका साथै निजी व्यवसायीले पनि रसुवागढी नाकाबाट अक्सिजन सिलिण्डर आयात

रासस जल तथा मौसम विज्ञान विभागले मनसुनको आगमनसँगै यस वर्ष बाढी तथा पहिरोको जोखिममा बढोत्तरी हुने सम्भावना रहेको उल्लेख गर्दै

नेपाली कांग्रेसको केन्द्रीय कार्यसमितिको बैठक असार ३ गते बिहीबार बस्ने भएको छ । पार्टी केन्द्रीय कार्यालयका मुख्यसचिव कृष्णप्रसाद पौडेलले शनिबार

शिक्षक, वकिल हुँदै कृष्णचन्द्र नेपाली पोखरेलको मुख्यमन्त्रीसम्मको यात्रा बाबु गोबर्द्धन शर्मा राणाशासनको विरोधमा जहिल्यै क्रियाशील रहे । गोबर्द्धन शर्मा नेपाली