लण्डन । लोक तथा पप गायक सुजन पराजुली र कृष्ण देवकोटाले संयुक्त रुपमा एक नयाँ गिती एल्बम नेपाली बजारमा ल्याएका छन् । जीवन धान्ने सिलसिलामा विदेशी भूमि पुगेका एक प्रेमीले आफ्नी प्रेमिकालाई बिर्संदै गएपछि प्रेमिकामा उत्पन्न हुने पिडालाई सङ्गीतमार्फत् मुख्य विषय बनाएर एल्वममा समावेश गरिएको छ ।
दर्शकको चाहनालाई मध्यनजर गर्दै नेपाली समाजका सुख-दुःख र उकाली-ओरालीलाई यथार्थपरक रुपमा संगीतको माध्यामले पस्कने प्रयास यसमा गरिएको छ ।
गायक सुजन पराजुलीसँगै कृष्ण देवकोटा, देवी घर्तीको स्वर रहेको उक्त गीतको बजार व्यवस्थापन म्युजिक नेपालले गरेको छ । करुण भावले तयार गरिएको यस गीतको म्युजिक भीडीयोमा महेन्द्र गौतम र रिचा थापाको अत्यन्त लोभलाग्दो अभिनय देख्न सकिन्छ ।
भीडीयोलाई निर्देशन दिलिप रेग्मीले गरेका हुन् भने छायांकन मरुभूमि नारायण र सम्पादन रविन बिकले गरेका छन् । भर्खर रिलिज गरिएको एल्बमबारे गायक सुजन पराजुली भन्छन्- ‘हाम्रै गाउँ, घर, पाखापखेरा, कुना-कन्दराको मौलिक व्यथालाई गीत सङ्गीतमार्फत् जोड्ने कोशिस गरेका छौं, दर्शकको भरिपूर्ण माया पाउनेमा ढुक्क छौं ।’
प्रतिक्रिया