आज राष्ट्रियसभाको उपाध्यक्ष पदका लागि चुनाव हुँदैछ । राष्ट्रियसभाको उपाध्यक्ष पदका लागि वाम गठबन्धन र नेपाली कांग्रेस दुवैले उम्मेदवारी दिएपछि निर्वाचन गरिन लागेको संघीय संसद् सचिवालयले जनाएको छ ।
यसअघि राष्ट्रियसभाको अध्यक्षमा नेकपा (एमाले)का उम्मेदवार गणेशप्रसाद तिमिल्सिना निर्वाचित भइसकेका छन् । रिक्त रहेको उपाध्यक्ष पदका लागि माओवादी केन्द्रका शशिकला दाहाल र नेपाली कांग्रेसका वृन्दादेवी आले (राना) ले उम्मेदवारी दिएको संघीय संसद् सचिवालयले जनाएको छ ।
सचिवालयका अनुसार निर्वाचनमा अध्यक्षबाहेक ५८ जनाले मतदानमा भाग लिने छन् । उपाध्यक्षका उम्मेदवार दाहाल महोत्तरीकी हुन् भने आले कास्कीकी हुन् ।
प्रतिक्रिया