पूर्वनिर्धारित एक कार्यक्रमलाई सम्बोधन गर्न प्रधानमन्त्री केपी शर्मा ओली आज गुल्मी जाने जानकारी मिलेपछि विप्लव नेतृत्वको नेकपाका कार्यकर्ताले प्रम ओलीको पुत्ला दहन गरेका छन् । प्रधानमन्त्रीको आगमनलाई मध्यनजर गर्दै गुल्मीको सदरमुकाम तम्घासमा सुरक्षाकर्मीको बाक्लो उपस्थितिसहित कडा सुरक्षा व्यवस्था गरिएको भए पनि नेकपा गुल्मी जिल्ला कमिटीले पुत्ला दहन गरेका हुन् ।
सो पार्टीका गुल्मी जिल्ला ईञ्चार्ज धिरज राना, सेक्रेटरी खिम खड्का लगायतका नेता र कार्यकर्ताहरुले आज दिउँसो तम्घासको अर्घाखाँची जिपपार्कमा प्रधानमन्त्री ओलीको पुत्ला दहन गरेका हुन् ।
नेकपा गुल्मी जिल्ला कमिटीले प्रधानमन्त्रीको पुत्ला जलाइने भनी हिजो नै निर्णय गरेको र सो सार्वजनिक भएर पनि आज प्रम ओलीको पुत्ला जल्नुलाई नेकपाको सफलता ठानिएको छ ।
प्रतिक्रिया