ब्लिन्क नाउ फाउण्डेन्सनको आर्थिक सहयोगमा कोपिला भ्याली सेवा समाजद्वारा संचालित कोपिला भ्याली स्कुल अनाथ, असहाय बालबालिकाहरुलाई गुणस्तरीय शिक्षा दिने उद्देश्यले स्थापित संस्था हो । हाल यस बिद्यालयमा ३ सय ७० जना विद्यार्थीहरु अध्ययनरत छन् ।
ब्लिन्क नाउ फाउण्डेन्सनका थुप्रै दाताहरु मध्ये बेलायती नागरिक डान फुरलोङ एक हुन । जो एक ब्यापारी, शारीरिक सुगठन प्रशिक्षक, प्रेरणादाई बक्ताको रुपमा कार्य गर्दै आएका छन् । उनीलगायत उनको परिवारले कोपिला भ्यालीका धेरै बालबालिकाहरुलाई सहयोग गर्दै आएका छन ।
व्यापारी बुबा एन्डीले बन्दै गरेको विद्यालय भवन निर्माणको परामर्शदाता, विद्यार्थी तथा कर्मचारीलाई व्यवस्थापन सम्बन्धि तालिमहरु तथा आर्थिक सहयोग गर्दै आएका छन् । साथै आमाले विद्यालयका शिक्षकहरुलाई प्रभावकारी शिक्षणका लागि तालिमहरु दिंदै आएकि छिन् । डानले हालै बालबालिका लागि एउटा बस किनेर सहयोग गरेका छ्रन् ।
डानले कोपिला भ्याली स्कुललाई सहयोग गर्ने उद्देश्यले चन्दा सङ्कलन गर्न काठमाण्डौंदेखि सुर्खेतको कोपिला भ्यालीसम्म दुरी दौडेर पुरा गरेका छन् । उनलाई काठमाण्डौंवाट सुर्खेत पुग्न १८ दिन लागेको थियो । उनले दिनमा ३५ किमी ६०० किमीको दौड पुरा गरेका हुन ।
डान काठमाण्डौंदेखि सुर्खेतसम्म दौडेर आउने पहिलो विदेशी नागरिक हुन् । दौड पुरा गरेपछि उनलाई सुर्खेतका प्रमुख जिल्ला अधिकारी दोसल्ला ओढाई स्वागत र सम्मान गरेका थिए । उनीसंग उन उनका बुबा एन्डी, प्रशिक्षक डेन र तिन जना ड्राइभर यस दौडमा संलग्न थिए ।
प्रतिक्रिया