कीर्तिमानवाट चुकेका कमलले स्वर्णमै चित्त बुझाए

2 Shares

नेपाली सेनाका ओलम्पियन कमल बहादुर अधिकारीले राखेप च्याम्पियनसिप २०७४ अन्तर्गत भएको २३ औं पुरुष तथा आठौं महिला राष्ट्रिय भारोत्तोलन च्याम्पियनसिपमा स्वर्ण हात पारेका छन् । राष्ट्रिय किर्तिमानमा सुधार गर्ने उद्धेश्यले मैदानमा उत्रेका अधिकारीले स्वर्ण नै चित्त बुझाए ।

कमलले ७७ केजी तौलमा स्नाचमा १ सय २० केजी उचालेका थिए । यसमा उनकै नाममा १ सय २२ केजीको किर्तिमान कायम छ । यस्तै क्लिन एण्ड जर्कमा उनले १ सय ५३ केजीका साथ कुलमा २ सय ७३ केजी भार बहनका साथ स्वर्ण हात पारेका हुन् । नेपाली सेनाकै यज्ञबहादुर सारुले स्नाचमा ९७ केजी र कुलमा २ सय १२ केजी गरि रजत जिते भने क्लिनमा १ सय १५ केजी मात्र उचाली प्रहरीका प्रेमप्रकाश भन्दा पछाडी रहंदै कास्य पाए । बैश्यले क्लिनमा १ यस १८ केजी भार बहन गर्दै रजत पाए पनि स्नाचमा ९० केजी र कुलमा २०८ केजी गरि कास्य पाए ।

महिला ६३ केजी तौल समूमा नेपाली सेनाकी मनिता श्रेष्ठले कुल १ सय ४० केजी भार बहन गर्दै स्वर्ण हात पारिन् । उनले स्नाचमा ६० र क्लिन एण्ड जर्कमा ८० केजी भार बहन गरेकी थिईन् । दोश्रो स्थानमा रहेकी सेनाकै सारदा चौधरीले १ सय २८ केजीका साथ रजत पाईन् । चौधरीले स्नाचमा ५६ र क्लिन एण्ड जर्कमा ७२ केजी उचालेकि थिईन् ।

महिलाकै ६९ केजीमा नेपाल प्रहरीकी राज्य लक्ष्मी थापाले स्नाचमा ६०, क्लिन एण्ड जर्कमा ८३ केजीका साथ कुल १ सय ४३ केजी भार बहनका साथ स्वर्ण हात पारिन् । सेनाकी उष खड्काले स्नाचमा ५२ केजी, क्लिनमा ७० केजी र कुलमा १ सय २२ केजी भार बहन गर्दै रजत प्राप्त गरिन् । प्रहरीकी जानकी बुढाले ११० केजी कुल भारका साथ कास्य पाईन् । उनले स्नाचमा ४५ केजी र क्लिनमा ६५ केजी उचालेकि थिइन् ।

दक्षिण एशियाली खेलको लागि छनौट प्रतियोगिता समेत रहेको प्रतियोगिताको ७५ केजी तौल समूहमा नेपाल प्रहरीकी लक्ष्मी वनले १ सय ४२ केजी भार बहन गरिन् । उनले स्नाचमा ६२ र क्लिनमा ८० केजी भार उठाउँदै स्वर्ण पदक जितेकि हुन् । सेनाकी मनकुमारी कुमालले स्नाचमा ५८ र क्लिनमा ७६ केजी गरि कुलमा १ सय ३४ केजीका साथ रजत पाईन् । सप्तरीकी शान्ति चौधरीले १ सय २५ केजीका साथ कास्य पाईन् । शान्तिले स्नाचमा ५५ र क्लिनमा ७० केजी उचालिन् । ९० केजी तौलमा एकल प्रतिस्पर्धा गरेकी नेपाल प्रहरीकी तारादेवी पुनले स्नाचमा ७०, क्लिनमा ९७ केजी गरि कुल १६७ केजीका साथ स्वर्ण हात पारिन् ।

पुरुषको ६२ केजी तौलमा नेपाली सेनाका राजु चौधरीले स्नाचमा ८६ र कुलमा १ सय ९३ केजी गरि दुई स्वर्ण प्राप्त गरे । क्लिनमा उनी नेपाल प्रहरीका मुई लामा संग पछि परेका थिए । मुईले १ सय ८ केजी भार बहन गर्दै स्वर्ण जितेका थिए । क्लिनमा चौधरीले १ सय ७ केजी उचाल्दै रजत पाए । स्नाचमा मुईले ८५ केजी र कुलमा १ सय ९३ केजी उचाल्दै रजत पाए । तेश्रो स्थानमा सशस्त्रका सुवाष कुमार शाहले १ सय ६३ केजीका साथ कास्य पाए । उनले स्नाचमा ७३ र क्लिनमा ९० केजी उचाले ।

६९ केजी तर्फको प्रतिस्पर्धामा नेपाल प्रहरीका विकास थापाले स्नाच र कुलमा स्वर्ण पाए । उनी क्लिनमा १ सय २५ केजी भार बहन गर्दै बाँकेका प्रकाश के.सी संग पछाडी पर्दै रजतमा चित्त बुझाए । विकासले स्नाचमा १ सय १२ र कुलमा २ सय ३७ केजी उचालेका थिए । प्रकाशले क्लिनमा १ सय ३० केजी उचाल्दै स्वर्ण प्राप्त गरे । तर प्रकाशले स्नाचमा १ सय ६ र कुलमा २ सय ३६ केजीका साथ रजत पाए । यस्तै बाँकेका सुरज बैश्यले क्लिनमा १ सय ५ र कुलमा १ सय ८० केजीका साथ दुई कास्य पाए । स्नाचमा कास्कीका धनबहादुर झाक्रीले ८० केजी भारका साथ कास्य प्राप्त गरेका थिए ।
भारोत्तोलनका नियमानुसार च्याम्पियनसिपमा स्नाच, क्लिन एण्ड जर्क र कुलमा गरि तीन पदक वितरण गरिने छ ।

2 Shares

प्रतिक्रिया