अमेरिकास्थित टेक्सास प्रान्तको एक चर्चमा प्रार्थना गरीरहेका बेला अन्धाधुन्ध गोली चलेको छ ।
गोली एक चर्चमा चलेको हो । गोली लागेर २७ जनाको मृत्यु भएको छ भने केही घाइते भएका छन् । स्थानिय संचार माध्यमका अनुसार कालो कपडा लगाएर आएका एक युवकले विहान साँढे ११ बजेको समयमा चर्चभित्र पसेर गोली चलाएका हुन् ।
स्थानिय प्रहरीका अनुसार बन्दुकधारीले चलाएको गोली लागेर पाँचदेखि ७२ वर्ष उमेर समूहका मानिसहरुको मृत्यु भएको छ ।
जापान भ्रमणमा रहेका अमेरिकी राष्ट्रपति डोनाल्ड ट्रम्पले ट्वीटरमार्फत ‘भगवान सन्डरल्याण्ड स्प्रिङ्स, टेक्सासका जनताको साथ देऊ ।’ भनेर लेखेका छन् ।
बीबीसी समाचारका अनुसार आक्रमणकारीलाई प्रहरीले मारिदिएको छ भने २० जना घाइते भएका र उनीहरुलाई हेलिकोप्टरमार्फत अस्पताल लगिएको छ ।
प्रतिक्रिया