स्थानीय तहको तेस्रो चरणको निर्वाचनमा प्रदेश नं. २ का आठ जिल्लाका १३६ वटा स्थानीय तहमा जारी मतदानमा दिउँसो १ बजेसम्म करिव ५३ प्रतिशत मतदान खसेको निर्वाचन आयोगले जनाएको छ ।

निर्वाचन आयोगस्थित संयुक्त निर्वाचन परिचालन केन्द्र (जे.इ.ओ.सी.) बाट प्राप्त पछिल्लो जानकारी अनुसार, सप्तरीमा ५० प्रतिशत, सिरहामा ५० प्रतिशत, धनुषामा ४५ प्रतिशत, रौतहटमा ६० प्रतिशत, महोत्तरीमा ५० प्रतिशत, बारामा ५० प्रतिशत, पर्सामा ५५ प्रतिशत र सर्लाहीमा ६० प्रतिशत मतदान भएको छ ।

बिहान ७ बजे सुरु भएको मतदान प्रक्रिया अपरान्ह ५ बजेसम्म चल्ने छ । ५ बजेभित्र निर्वाचन अधिकृतले तोकेको क्षेत्रभित्र प्रवेश गरेका मतदाताहरूले मतदान गर्न पाउने छन् ।