एक कार्यक्रममा भाग लिन जापान पुगेका नेपाली कांग्रेसका नेता नेता प्रदीप पौडेललाई त्यहाँको अध्यागमन विभागको २६ घण्टा नियन्त्रण राखेर पछि नेपाल फर्काइदिएको छ ।

जपानी नियम अनुसार कानूुन गल्ती गरेको स्वीकार गरेपछि पौडेललाई नेपाल फर्काइएको हो ।  नेपाली कांग्रेसको भातृसंगठन नेपाली जनसम्पर्क समिति पदाधिकारीहरुको पहलमा उनलाई नेपाल फर्काइएको हो ।

पौडेललाई रिहा गर्न टोकियोस्थित नेपाली राजदूतावास र नेपालबाट प्रधानमन्त्री तथा नेपाली कांग्रेस सभापति शेरबहादुर देउवासमेतले फोन गरेका थिए ।

समितिका अध्यक्ष डीवी कंडेल र रमेश ड‌ंगोलले अध्यागमनले भनेको बेला स्पोन्सर उपस्थित हुन नसक्दा फिर्ता गरिएको जनाएको छ । पौडेलसंगै स्वास्थ्य खवर पत्रिकाका प्रकाशक अनिल न्यौपाने पनि फिर्ता गरिएका छन् ।

पौडेललाई अध्यागमनले रोकेपछि समितिका पदाधिकारीहरुको पहलामा जापानस्थित नेपाली राजदूतावासले पौडेललाई जपान प्रवेश गर्न दिन गरेको पहल प्रभावकारी हुन नसकेको जनाएको छ ।

जापान अध्यागमनले शनिबार अपराह्न जापानको हानेदा विमानास्थल हुदै जपान भ्रमणको उद्देश्य पूरा गर्ने आधार नभेटेपछि नेपाल फिर्ता गरेको जनाएको छ ।

पौडेल र न्यौपानेसंगै जापान पुगेका कांग्रेस केन्द्रीय सदस्य तथा साँसद धनराज गुरुङसंग भने रातो पासपोर्ट भएका कारण प्रवेश दिएको बताइएको छ ।

कंडेल र डंगोलले आइतवार नै संयुक्त बिज्ञप्ति जारी गरि नेपालबाट आउने पौडेलसहितलाई जनसम्पर्क समिति जापानका पुर्व सदस्य ऋदिन्द्र गिरीको पोखरा कम्पनी लिमिटेडले स्पोन्सर गरेको उल्लेख गरेको छ ।

साथै अध्यागमनमा स्पोन्सर गर्ने ब्यक्ति नै उपस्थित भई बुझ्नु पर्ने अवस्था सिर्जना भएकोमा गिरी नेपालमा रहेका कारण उपस्थित हुन नसकेको र त्यही कारण जापानमा प्रवेश अनुमति नदिईएको उल्लेख गरेका छन् ।

यसअघि दर्जन बढी कलाकार र माओवादी केन्द्र र नयाँशक्ति नेपालका नेतालाई पनि जापान अध्यागमनले फिर्ता पठाएको थियो ।