नेपाल चलचित्र विकास बोर्डले प्रत्येक वर्ष असार १६ गते संस्थाको वार्षिकोत्सवको अवसरमा वितरण गर्दै आएको ‘राष्ट्रिय चलचित्र अवार्ड’ दशैँको अवसर पारेर वितरण गरिने जानकारी दिइएको छ । सकभर दर्शैअघि नै अवार्ड वितरण गरिने सूचना तथा सञ्चारमन्त्री मोहनबहादुर बस्नेतले जानकारी दिए ।
प्राविधिक कारण दर्शाउँदै यस वर्षको अवार्ड असारमा वितरण गरिएको थिएन । बोर्डका पदाधिकारी रिक्त भएका कारण अवार्डबारे समयमै निर्णय हुन नसकेको सम्बद्ध पक्षको भनाई छ ।
प्रत्येक वर्ष वैशाख १ गतेदेखि चैत मसान्तसम्म निर्माण भएका नेपाली चलचित्र मूल्यांकन गरी वर्षभरको उत्कृष्ट चलचित्र, नायक,नायिका, निर्माता, छायांकन, गीत, लाइभटाइम अवार्डलगायतका विधामा पुरस्कार प्रदान गरिन्छ ।
पुरस्कार छनोट समितिको सिफारिसका आधारमा राष्ट्रपतिबाट प्रदान गरिँदै आएको प्रत्येक पुरस्कारका राशि एक लाख रहेको छ ।
प्रतिक्रिया