३५ हजार घर डुवानमा
तीन दिनदेखि अविरल रुपमा परेको पानीका कारण विभिन्न जिल्लामा गएको बाढी र पहिरोमा परि ७८ जनाको निधन भएको छ । बाढी र पहिरोमा परेर ५१ जना बेपत्ता भएका छन् । त्यसैगरी ३४ हजार घर डुवानमा परेको र करिब ४ सय घर क्षतिग्रस्त भएको गृह मन्त्रालयले जनाएको छ ।
मन्त्रालयका अनुसार बाढी र पहिरोमा सबैभन्दा बढी सुनसरीमा ८ जनाको मृत्यु भएको छ । रौतहटमा ७ जनाको मृत्यु भएको छ त्यसैगरी, झापामा ४, मोरङमा ५, सर्लाहीमा ३, महोत्तरीमा १, धनुषामा १, सिन्धुलीमा ४, बारामा ३ र चितवनमा २ जनाको मृत्यु भएको छ ।
यसैबीच, राष्ट्रिय मानवअधिकार आयोगले १९ हजार घरपरिवार विस्थापित भएको जनाएको छ । बाढी, पहिरो तथा डुबानपछि सृजित अवस्थाप्रति राष्ट्रिय मानव अधिकार आयोगको गम्भीर ध्यानाकर्षण भएको भन्दै राहत, उद्धारका लागि प्रभावकारी काम नभएकाले तत्काल त्यसमा जुट्न आह्वान गरेको छ ।
प्रतिक्रिया