नेपाल पेट्रोलियम डिलर्स एसोसियसनले आज (शुक्रबार) देखि सुरु गरेको तेल बिक्री रोकेर आन्दोलनमा उत्रिएका व्यवसायीको मागलाई नेपाल आयल निगमले पेट्रोलियम ढुवानी गर्दा हुने प्राविधिक क्षतिको क्षतिपूर्ति बढाउने निर्णय गरेको छ ।
निगम सञ्चालक समितिको बैठकले व्यवसायीलाई साविकमा दिइरहेको सिङ्केज लसको क्षतिपूर्ति बढाउने निर्णय गरेको निगमले जानकारी दिएको छ । सञ्चालक समितिको बैठकले हाल प्रति चार हजार लिटर पेट्रोलमा दिइँदै आएको सिङ्केज लसको क्षतिपूर्ति ३५ लिटरबाट १० लिटर बढाएर ४५ लिटर दिने निर्णय गरेको छ । त्यस्तै, प्रति चार हजार लिटर डिजेलमा हाल दिइँदै आएको क्षतिपूर्ति २४ लिटरबाट बढाएर २७ लिटर पु¥याइएको छ ।
पेट्रोल ढुवानीका क्रममा ६५ लिटरभन्दा माथि हुने प्राविधिक क्षति हुने दावी गर्दै सोअनुसार क्षतिपूर्ति पाउनुपर्ने मागसहित व्यवसायी आन्दोलनमा उत्रेका छन् । डिजेलमा यस्तो क्षतिपूर्ति ४० लिटरभन्दा माथि पाउनुपर्ने माग व्यवसायीको रहेकोछ । क्षतिपूर्ति नबढाएको भन्दै व्यवसायीले निगमसँग पेट्रोल–डिजेल किन्न छाडेका थिए । निगमले गरेको सो बोर्ड बैठकमा भएको निर्णयलाई भने गोप्य राखिएको छ ।
प्रतिक्रिया