आगामी असोज २ गतेका लागि तय भएको प्रदेश नम्बर २ को निर्वाचनबारे चुनावी रणनीति बारे छलफल गर्न कांग्रेस जुटेको छ ।
पार्टी कार्यालय सानेपामा आजदेखि सुरु भएको केन्द्रीय कार्यसम्पादन समिति बैठकमा नेताहरु चुनावी रणनीति बनाउन जुटेका हुन ।
प्रदेश नम्बर २ मा हुने तेस्रो चरणको स्थानीय तहको निर्वाचनबारे समसामयिक राजनीतिक विषयमा छलफल भैइरहेको कांग्रेसका एक नेताले जानकारी दिए ।
साथै निर्वाचनका लागि केन्द्रीय प्रतिनिधि खटाउने तथा अन्य विषयमा कार्यसम्पादन समितिको बैठकले निर्णय गर्ने बताइएको छ ।
बैठकमा यसअघिका चुनावमा अन्तरघात गर्नेलाई अझै पनि कारबाही हुन नसकेको भन्दै आवाज उठेको जनाइएको छ ।
कांग्रेसमा अन्तरघात गर्नेहरुलाई कारबाही हुनुपर्ने र टिकट वितरणलाई व्यवस्थित गर्नुपर्ने आवाज उठिरहेको बेला यो बैठकले कस्तो खालको निर्णय गर्छ, महत्वका साथ हेरिएको छ ।
प्रतिक्रिया