लन्डन । हिजाे नेपाली नयाँ वर्ष ०७४ काे अवसरलार्इ खुशियाली मनार्इ स्वागत गर्नकाे लागि अनलाइन रेडियाे गुर्खा रेडियाेकाे संयाेजकत्वमा गुर्खा इन्टरटेनमेन्टले एक शुभकामना साँझ सम्पन्न गरेकाे छ । बेलायतका लागि नेपाली दूतावासबाट राजदूत डा सुवेदीले श्रीमतीसहित उपस्थिति जनाउँदै अाफ्नाे मन्तव्यमा स्वेदशमा नहुँदा पनि बेलायतमा अायाेजित हुने यस्ता साँस्कृतिक कार्यक्रमहरुले नेपालीपनलार्इ सम्वर्धन गरेकाे हुन्छ भनेका थिए । बेलायतमा नेपाली कला संस्कृति माैलाउँदै आएको बताउँदै यस नयाँ वर्षले खुशीसहित र नयाँ सम्भावना बोकेर आउनेमा अाफू विश्वस्त रहेकाे बताउँदै यस्ता उत्सवले नेपालीबीच एकता, सहिष्णुता र भातृत्व विकास हुने विश्वास व्यक्त गरेका थिए । । लन्डनस्थित फेल्थानस्थित कम्युनिटिहलमा अायाेजित उक्त शुभकामना साँझ तथा सांस्कृतिक कार्यक्रममा दर्जनजति सञ्चारकर्मीहरु भेला भएर नयाँ वर्ष मनाएका थिए ।
कार्यक्रममा स्वागत मन्तव्य कार्यक्रमका संयाेजक नरेन्द्र बस्नेतले दिएका थिए भने एक्लाे वक्ताकाे रुपमा शुभकामना मन्तव्य राजदूत दुर्गाबहादुर सुवेदीले दिएका थिए । जसकाे संचालन नेपाल ब्रिटेन डट कमका चिरन शर्माले गरेका थिए । कार्यक्रममा स्थानीय कलाकारले विविध सांस्कृतिक कार्यक्रमहरु प्रस्तुत गरेका थिए । गायक सुजन पराजुली, दिव्यानी शर्मा, सुजाता काफ्ले, मन्दिरा प्रसाई, चाँद लामालगायतका कलाकारहरुले अाआफ्नो प्रस्तुतिहरु दिएका थिए र साे कार्यक्रममा रश्मी गौतम, टिया आचार्य, बेन्सन बस्नेत, श्रेया क्षेत्री, अमूल्य थापा, अतुल्य शाहीलगायतले नृत्यहरु प्रस्तुत गरेका थिए ।
कार्यक्रममा साहित्यकार नारायण गाउँले, रामशरण सिम्खडाले गजल र बिमला गौतमले कविता पाठ गरेका थिए । पत्रकार वाचस्पति रेग्मीको सम्पादनमा शुरु भएको शीतलपाटी अनलाइन समाचार प्रोटलको शुरुवात राजदूत डा. सुवेदी र पत्रकार महासंघ यूके अध्यक्ष नरेश खपाङ्गीले गरेका थिए । कार्यक्रममा समाजसेवी ध्रुव के.सी. काउन्सिलर बिष्णु गुरुङ, गैरआवासीय नेपाली संघका संस्थापक चिरञ्जीवी ढकाललगायतकाे उपस्थिति थियो ।
रातकाे मध्यसम्म चलेकाे साे कार्यक्रममा २०० भन्दा बढी मानिसहरुकाे सहभागिता रहेकाे थियाे । स्टेनस्थित बुद्ध अथेन्टिक एसियन कुजिनले क्याटेरिङ् गरेकाे थियाे भने डिजे चाँद लामाले सांस्कृतिक मंच संचालन गरेका थिए ।
[youtube width=”720″ height=”420″]https://www.facebook.com/nepalbritain/videos/10154414917501889/[/youtube]
-नीर
प्रतिक्रिया