यूकेमा लुम्बिनी बुद्ध विहार स्थापनाका लागि च्यारेटी डिनर साँझको आयोजना हुँदै

यूकेमा लुम्बिनी बुद्ध विहार स्थापनाका लागि च्यारेटी डिनर साँझको आयोजना हुँदै


charity-nightलन्डन, यूकेमा प्रथम बुद्ध विहार निर्माणार्थ एक च्यारेटी डिनर नाइटको आयोजना हुने भएको छ ।

मगर बुद्ध समाज यूकेको वार्षिक जयन्तिकाे उपलक्ष्यमा यही आउँदो ११ डिसेम्बर २०१६ आइतबारको दिन मगर बौद्ध समाज यूकेद्वारा बेलायतबासी वाैद्धिष्ट नेपालीहरुको साझा धार्मिक आस्थाको केन्द्र “लुम्बिनी बुद्ध बिहार” निर्माण योजनालाई सफल पार्नका लागि आर्थिक सहयोग संकलन गर्ने उद्देश्यअनुरूप संस्थाको प्रथम बार्षिक उत्सव समारोह तथा च्यारिटी डिनर साँझको आयोजना गर्ने भएको छ ।

मगर बौद्ध समाज बेलायत बिधिवत रुपमा स्थापना भएको यही आउने डिसेम्बर महिनाको ६ तारिख पूरा एक बर्ष पुग्न लागेकाे अवसरमा आगामी ११ डिसेम्बर २०१६ आइतबारका दिन मगर बौद्ध समाज बेलायतले आफ्नो बार्षिक साधारण सभा (सम्मेलन) गर्ने भएको छ भने सोही दिन बार्षिक साधारण सभा समापनपश्चात बेलुकि “लुम्बिनी बुद्ध बिहार” निर्माण योजनालाई सफल पार्नका लागि आर्थिक सहयोग संकलन गर्ने उद्देश्यअनुरुप The Palace 35 Station Road, Aldershot Post Code: GU11 1BA मा संस्थाको प्रथम बार्षिक उत्सव समारोह तथा च्यारिटी डिनर नाइट (CHARITY DINNER NITE) को आयोजना गर्ने भएको छ ।

उक्त कार्यक्रममा नेपालका चर्चित लोक दोहोरी गायक तथा गायिका मनसुधन थापा मगर र सम्झना लामिछाने मगरले प्रस्तुति दिने संस्थाका सचिव टिका दर्लामी मगरले जानकारी दिएकाछन् ।

कार्यक्रमको रुपरेखा यस प्रकार रहेको छ ।

कार्यक्रमको आकर्षण: १) अति भिन्न रमणीय वातावरण सहितको सबैलाई पायक पर्ने हल । २) बिभिन्न स्वादिष्ट नेपाली परिकारहरू । ३) सुपथ मुल्यमा बिभिन्न पेय पदार्थहरू उपलब्ध । ४) नेपालमा स्थापित चर्चित लोक दोहोरी गायक गायिका द्वय मनसुधन थापामगर र सम्झना लामिछानेमगरको बेजोड सांगीतिक प्रस्तुति । ५) बिभिन्न स्थानीय कलाकारहरू द्धारा अति मनोरन्जनात्मक नृत्य प्रस्तुत । ६) आजीवन सदस्यहरूलाई ब्याज बितरण । ७) संस्थाबाट भए गरेका गतिबिधिहरू र भावी गुरू योजनाहरू बारे प्रोजेक्टर मार्फत बिशेष प्रस्तुति ।
-चजिन्द्र राना मगर