विशेष प्रतिनिधि, टोकियो (जापान)
कोरोना संक्रमणपछि नेपालमा लकडाउनका कारण जापान आउने तयारीमा रहेर रोकिएका नेपाली यात्रुहरु बोकेर पहिलो चार्टर विमान जापान आइपुगेको छ ।
यसअघि जापानी राजदूतावासले चार्टर गरेको भए पनि नेपाली यात्रु लक्षित गरेर भएको चार्टर फ्लाइलबाट शनिबार २ सय ५४ यात्रु जापान आइपुगेका छन् । चार्टर फ्लाइटमा नेपालबाट आएका यात्रुमध्ये २७ जना जापानी नागरिकहरु रहेका छन् । जसमा २ सय ५४ मध्ये २ सय २७ जना नेपाली यात्रुहरु रहेका छन् ।
तर चार्टर उडानमा आउने तयारी गरेका ८ जना भने श्रम स्विकृति नभएकै कारण काठमाडौं त्रिभुवन अन्तर्राष्ट्रिय विमानस्थलबाट फिर्ता भएका छन् । चार्टर उडान भरेको सुमेघ ट्राभल्सका प्रमुख मेघ केसीले दिनुभएको जानकारी अनुसार विमानस्थलमा श्रम स्विकृति दिने भनिएपनि सरकारी व्यवस्थापनको कमजोरीका कारण ८ जना विमानस्थलसम्म पुगेर पनि फिर्ता हुनु परेको हो ।
प्रतिक्रिया