अन्तर्राष्ट्रिय धादिङ समाजले कोरोना भाइरस (कोभिड–१९) नियन्त्रण एवम् लकडाउनका कारण पीडित बन्न पुगेका असहायको लागि आर्थिक सहयोग जुटाउने अभियान सुरु गरेको छ ।
सरकारले कोरोना नियन्त्रणका लागि गरेको ‘लकडाउन’का कारण धादिङका गरिब, असहाय, दैनिक ज्यालामा काम गर्ने मजदुरहरूलाई समस्या भएकाले समाजले आर्थिक सहयोग जुटाउने अभियान सुरु गरेको हो ।
लकडाउनका कारण सबै रकम बैंक खातामा आइनसके पनि बिहीबारसम्म प्रतिबद्धताअनुसार ६ लाख बढी रुपैयाँ संकलन भएको अन्तर्राष्ट्रिय धादिङ समाजले जनाएको छ ।
सहयोग गर्न चाहने व्यक्तिले हिमालयन बैंकको ०१९००२४९७१००१८ खाता नम्बरमा रकम जम्मा गर्नसक्ने समाजका प्रवक्ता राजन खकुरालले जानकारी दिएका छन् ।
प्रतिक्रिया