अज्ञात समूहबाट भोजपुरमा दुई वडा कार्यालयमा आगजनी

अज्ञात समूहबाट भोजपुरमा दुई वडा कार्यालयमा आगजनी


भोजपुरमा दुई वडा कार्यालयमा अज्ञात समूहले आगजनी गरेको छ । रामप्रसादराई गाउँपालिका–२ धोदलेखानीको वडा कार्यालय र पौवादुङमा गाउँपालिका–३ च्यांग्रेको वडा कार्यालयमा गएराति अज्ञात समूहले आगजनी गरेको प्रहरीले जनाएको छ ।

पौवादुङमा–३ च्यांग्रेको वडा कार्यालयमा मट्टीतेल छर्केर कागजपत्र, कुर्सी, फर्निचरलगायतका सामग्रीमा आगजनी गरिएको गाउँपालिकाका उपाध्यक्ष सम्झना राईले जानकारी दिएन् । रामप्रसादराई–२ को कार्यालय भने पूर्ण रूपमा ध्वस्त रहेको स्थानीयवासीले बताएका छन् । घटनाको जानकारी पाउनासाथ प्रहरी सो स्थानतर्फ गएको जिल्ला प्रहरी कार्यालयका प्रमुख प्रहरी नायब उपरीक्षक नरबहादुर सलामी मगरले बताए । घटनाका विषयमा थप जानकारी आउन बाँकी रहेको बताइएको छ ।
rss