नेपाली बजारमा एलजी ब्राण्डका वासिङ मेसिन सर्वाधिक बिक्री हुने वासिङ मेसिनको रूपमा स्थापित भइरहेकै बेला उपभोक्ताको माग ध्यानमा राखेर एलजीले कन्डेन्सर ड्रायर नेपाली बजारमा ल्याएको छ ।

कम्पनीले जनाएअनुसार यस कन्डेन्सर ड्रायरमा सेन्सर ड्रायर टेक्नोलोजी छ, जसले लुगामा भएको ओस पत्ता लगाएर सही तापक्रम र समय छनौट गरी कपडालाई सुकाउँछ । साथै यसमा ठूलो ड्रमको क्षमता रहेको छ, जसमा धेरै लुगाहरु एकैपटकमा सुकाउन सकिन्छ । ¥याक निर्मित भएकोले नाजुक कपडा, कपडाको खेलौना साथै जुत्ताहरू यसले नघुमाइकन सुकाउँदछ ।

ट्रु स्टिम र २ वे टम्बिलिङ टेक्नोलोजीले किटाणुरहित बनाउनुका साथै कपडाहरू खुम्चिनबाट बचाउने दाबी गर्दै कम्पनीले यस कन्डेन्सर ड्रायरलाई आफ्नो घरमा रहेको एलजीको वासिङ मेसिनसँगै सजिलै जडान गर्न सकिने जनाएको छ ।

साथै, एलजीसँग वासर ड्रायर भएको वासिङ मेसिन पनि उपलब्ध रहेको जानकारी दिइएको छ । यसले कपडा धुनुका साथै शत् प्रतिशत सुकाउने भएकोले यस वासर ड्रायरको माग चिसो मौसममा बढिरहेको कम्पनीको भनाई छ ।