सम्बन्ध नै नभएको व्यक्तिलाई नक्कली भान्जा बनाएर मिर्गौला प्रत्यारोपण गरेको अभियोगमा ललितपुरस्थित निदान अस्पतालका प्रमुख कार्यकारी अधिकृत (सीईओ) सहित पाँचजनालाई कारागार चलान गरिएको छ ।

ललितपुर जिल्ला अदालतले पाँचैजनालाई पुर्पक्षका लागि कारागार चलान गर्न आदेश दिएपछि उनीहरूलाई जेल चलान गरिएको हो ।

जेल चलान हुनेहरूमा अस्पतालका प्रमुख कार्यकारी अधिकृत (सीईओ) विपेन्द्र प्रधान, चिकित्सक डा. राजेश पन्त, कानुनी सल्लाहकार कुमुद भट्टराई, ललितपुर जिल्ला प्रशासन कार्यालयका तत्कालीन अधिकृत रामचन्द्र आले र मिर्गाैला ग्रहण गर्ने शंकरलाल लामा रहेका छन् ।