पोखरामा ‘साग’लक्षित शुभकामना प्रचार ऱ्याली





नेपालमा आयोजना हुने १३ औं दक्षिण एसियाली खेलकुल (साग) को प्रचार प्रसारका संगै ‘साग’ सफलताका लागि खेलाडीहरुले असोज १२ गते आइतबार शुभकामना ऱ्याली निकालेका छन् । ऱ्यालीमा सहभागिहरुले बिन्ध्यवासिनी पुगेर सागको भव्य सफलताको कामना गरेका थिए ।

पश्चिमाञ्चल क्षेत्रिय खेलकुद बिकास समिती र कास्की जिल्ला खेलकुद बिकास समितीको संयुक्त आयोजनामा भएको उक्त ऱ्याली बाजा गाजा सहित १३ औं सागको व्यानर सहित पोखरा रंगशाला बाट निस्किएर ऱ्याली विन्ध्यवाशिनी मन्दिर पुगेर सम्पन्न भएको थियो ।

नेपालीहरुको महान पर्व बडा दशैं घटस्थापनाको दिन पारेर पोखरामा बन्द प्रशिक्षणमा रहेका ह्याण्डबल खेलाडी लगाएत अन्य खेलका खेलाडी प्रशिक्षक र पदाधिकारीहरु ऱ्यालीमा सहभागी भएका थिए ।

उक्त ऱ्याली पोखरा रंगशाला, पृथ्वीचोक, न्यूरोड, गणेशटोल, मोहरिया टोल हुँदै विन्ध्यवासिनी मन्दिर पुगेर सम्पन्न भएको थियो । उक्त ऱ्यालीको नेतृत्व राष्ट्रिय खेलकुद परिषदका सदस्य राजेश गुरुङले गरेका थिए ।

प्रतिक्रिया