संस्कृति, पर्यटन तथा नागरिक उड्डयनमन्त्री योगेश भट्टराईले ज्येष्ठ नागरिकलाई हवाई भाडामा ५० प्रतिशत छुट दिन गरेको निर्णय आज (असोज १) देखि कार्यान्वयनमा आएको छ ।

नेपाल एयरलाइन्सले ७० वर्ष कटेका ज्येष्ठ नागरिकलाई भाडामा ५० प्रतिशत छुट दिने घोषणा गरेको निगमका सहप्रवक्ता सुलेख मिश्रले बताएका छन् ।

मन्त्री भट्टराईले ७० वर्षमाथिका नागरिकलाई हवाई भाडामा ५० प्रतिशत छुट दिने निर्णय सार्वजनिक गरेअनुसार यसको शुरुवात सरकारी स्वामित्वको कम्पनीबाटै गरिएको हो ।

मन्त्री भट्टराईले गत भदौ ९ मा गरेको घोषणा सरोकारवालासँग छलफल गरी ३ महिनाभित्रै कार्यान्वयनमा ल्याउने बताएका थिए ।

यसैगरी निगमले दशैँका लागि अग्रिम बुकिङसमेत आजबाट खुलाएको छ । यात्रुले अब निगमको आन्तरिक उडानमा यात्रुहरुल अग्रिम बुकिङ गरी टिकट लिन सक्नेछन् ।